Quai ha communitgà la CS la notg passada suenter ina sesida dal cussegl administrativ. Tenor il rapport da gestiun correspundia quai a radund 20 milliuns francs. En pli haja decidì il cussegl administrativ, da betg augmentar sias atgnas indemnisaziuns per il 2017.
Tenor il rapport da gestiun dal favrer 2017 eran prevesidas tant las bunificaziuns cumplainas per la direcziun da la banca, sco er l’augment d’indemnisaziun per il cussegl administrativ dad ella.
Idea da reducir bonificaziuns pir vegnida suenter critica massiva
La direcziun da la CS è sa decidida per quest pass suenter la critica vehementa da plirs acziunaris gronds. Quels eran s’exprimids cunter questas bunificaziuns. En vista ad ina perdita da passa 2,7 milliardas francs l’onn passà na sajan las bunificaziuns betg giustifitgadas – uschia l’argumentaziun dals acziunaris.
La radunanza generala è ils 28 d’avrigl.
RR novitads 07:00