Siglir tar il cuntegn
Inhalt

Svizra Credit Suisse augmenta chapital empè d'ir a la bursa

La banca gronda Credit Suisse annunzia in augment dal chapital enstagl d'ir a la bursa cun sia societad affiliada da la fatschenta svizra. Cuntanscher quai vul la banca cun in augment dal chapital normal.

Entrada banca Credit Suisse.
Legenda: Credit Suisse po preschentar buns resultats per l'emprim quartal 2017. Keystone

La Credit Suisse desista per il mument d'ir a la bursa cun sia societad affiliada da la fatschenta svizra. Las radund 4 milliardas francs ch'ella dovra perquai vul la Credit Suisse cuntanscher cun in augment dal chapital normal, quai cuntrari als plans da fin qua. Uschia vul la banca far fin a la debatta davart ina cuverta da chapital memia pitschna.

Nus essan da l’avis ch’il possess cumplet da la banca impurtanta svizra è vinavant la via gista che sa paja ora per ils acziunaris.
Autur: Urs RohnerPräsident da la CS

Tenor l'agentur da novitads da l'economia duai quest augment da chapital succeder a chaschun d'ina radunanza generala extraordinaria ils 18 da matg 2017.

Buns resultas per l'emprim quartal 2017

La Credit Suisse ha fatg in gudogn da 596 milliuns francs l'emprim quartal da l'onn. Il medem temp da l'onn passà era anc sa resultà ina perdita da 302 milliuns.

RR novitads 07.30