Siglir tar il cuntegn
Inhalt

Svizra Crans Montana: commerzi pretenda indemnisaziuns

Suenter ch’il territori da skis a Crans Montana en il Vallais ha serrà dus dis lur territori, pretendan il commerzi indigen e la restauraziun indemnisaziuns. Quai ha confermà la presidenta da l'associaziun da restauraziun, envers la gasetta «Le Nouvelliste».

Purtret da la pendiculara da Crans Montana.
Legenda: A Crans Montana en il Vallais èn las pendicularas stadas airi per dus dis. Keystone

Las pendicularas da Crans-Montana eran stadas airi per dus dis, damai che la possessura e las trais vischnancas dal territori da skis n'eran betg vegnidas perina pervia da contribuziuns.

Il president dal cussegl d'administraziun da las pendicularas ed ils presidents da vischnanca èn entant sesids ensemen ed han chattà ina schliaziun. Il venderdi èn las pendicularas puspè stadas en funcziun. Las pendicularas avevan lura vendì chartas dal di per tschintg francs.

Entant pretenda L'Uffizi federal per traffic da la possessura da las pendicularas da declerar ils schabetgs fin glindesdi che vegn.

RR novitads 18:00