Siglir tar il cuntegn

Svizra Corsica – demonstraziuns avant visita da Macron

Millis da Cors e Corsas han demonstrà per dapli independenza da l'insla e per la renconuschientscha da lur lingua.

Demonstraziun per dapli independenza ad Ajaccio.
Legenda: Demonstraziun per dapli independenza ad Ajaccio. Keystone

Sin l'insla franzosa Corsica han millis da persunas demonstrà per dapli autonomia – quai trais dis avant la visita dal president Emmanuel Macron.
Fin 6'000 persunas sajan idas sin via en la chapitala da l'insla Ajaccio, rapportan las autoritads. Ils naziunalists cors vulan tranter auter cuntanscher che la lingua corsa vegnia renconuschida sco lingua uffiziala. La separaziun da la Frantscha n'è però betg lur finamira.

RR novitads 18:00