Siglir tar il cuntegn

Header

cuntegn

Cooperaziun militara Svizra vul s'avischinar pli fitg als Stadis Unids

La Svizra vul rinforzar la cooperaziun militara cun ils Stadis Unids. Quai mussia la guerra en l'Ucraina cleramain, sco la cussegliera federala Viola Amherd ha ditg tar in inscunter cun represchentants da la regenza americana.

Sch'i giaja per princips fundamentals sco libertad, democrazia u il dretg da decider sez stoppia la Svizra sa reunir pli stretg cun pajais che pensan tuttina. Ed ins na dastgia betg che la Russia violeschia uschè massiv e brutal il dretg internaziunal. Quai ha Viola Amherd, scheffa dal Departamen federal da defensiun, ditg a chaschun d'ina conferenza da medias suenter sia visita da tschintg dis en ils Stadis Unids.

Tar quel èsi tranter auter er ì per la cumpra dals jets da cumbat F-35. La viceministra da defensiun Kathleen Hicks ha accentuà ch'ils Stadis Unids veglian stustegnair la vendita dals jets da cumbat a la Svizra. Quels na gidian betg mo a la Svizra, mabain augmentian er la collavuraziun cun auters partenaris europeics ed ils Stadis Unids.

audio
Per tadlar: curt e cumpact
aus RTR Audio vom 14.05.2022.
abspielen. Laufzeit 1 minuta 7 Sekunden.

RTR novitads 06:00

Artitgels legids il pli savens

Scrollar a sanestra Scrollar a dretga