Coop ha pudì augmentar la svieuta ed il gudogn, malgrà avair sbassà pretschs e malgrà il turissem da cumissiun sur cunfin. La svieuta è creschida per 0,7 % sin 27,2 milliardas francs. Il gudogn è schizunt creschì per 1,7 % sin 470 milliuns francs. Il commerzi en l'internet ha surpassà ina milliarda.
Sco quai che Coop communitgescha hajan las atgnas marcas da persistenza sco era ils artitgels cun sigil da qualitad. Questa svieuta è s'augmentada per 4 % sin 2,3 milliardas francs. Sulet ils products biologics han fatg ina svieuta da record da 1,1 milliarda francs.
L'onn 2014 ha in concern da detagl expandì sia purschida ed avert 8 filialas novas. En total dumbra Coop ussa 2170 stizuns. Il dumber da persunal è s'augmentà per bunamain 3 % sin 77'087 persunas (da quai èn 53'233 Svizras u Svizzers).
