Siglir tar il cuntegn
cuntegn

Svizra Controllar meglier ils camiuns per proteger las Alps

L'Iniziativa da las Alps pretenda dal Cussegl federal ch'ils camiuns vegnian controllads meglier. Uschia possia la segirezza sin las vias vegnir augmentada.

Jon Pult (mez), president Iniziativa da las Alps.
Legenda: Jon Pult (mez), president Iniziativa da las Alps, lantscha a Frauenfeld l'appel a cussegliera federala Doris Leuthard. MAD

Plinavant vegnia procurà per cundiziuns da concurrenza egualas sin il martgà da transport. Da quai profiteschia la viafier e sche quella gudognia dapli parts dal martgà sa reduceschia er il dumber dals camiuns che traverseschian las Alps. Uschia hai num en in appel.

L'Iniziativa da las Alps pretenda

  • Schlargiament da la rait da controlla per camiuns
  • Sperta realisaziun dal center da controlla en il Tessin
  • Publicaziun annuala dals resultats da controlla
  • Mesiras cunter la manipulaziun d'indrizs da svapur

Ina retschertga representativa ha mussà l'entschatta 2017 che 80% da la populaziun da la Svizra vul, che sco previs en la lescha, maximal 650'000 camiuns per onn dastgan traversar las Alps. Ina maioritad sustegna era ulteriuras mesiras. Ina intensivaziun da la controlla da camiuns fiss ina tala mesira.

RR novitads 14:00