Svizra - Contractivas cun SBB - Meierhans è cuntent
Il survegliader dals pretschs federal, Stefan Meierhans, è cuntent cun las contractivas cun las Viafiers federalas concernent pretschs da bigliets. Quai ha Meierhans ditg en la Samstagsrundschau da radio SRF.
Tuttina creschan ils pretschs en media per 3%. In pli aut augment ha dentant pudì vegnir evità, ha ditg Meierhans. En general sajan ils pretschs per bigliets dal traffic public memia auts en Svizra.
Concernent ils plans da restructuraziun tar la viafier federala ha Meierhans mussà ina tscherta chapientscha. Da dapli effizienza possia il client profitar.
