Siglir tar il cuntegn
cuntegn

Svizra Contract da lavur per industria grafica definitiv sut tetg

A partir dal prim da schaner 2016 vala per ils emploiads da l'industria da grafica in nov contract collectiv da lavur. Suenter che las ultimas differenzas èn vegnidas regladas, han er ils sindicats «syndicom» e «Syna» suttascrit il contract.

grafichera avant il computer
Legenda: En paucas autras branschas ha il svilup tecnologic purtà uschè bleras midadas sco en l'industria da grafica ils ultims onns. Keystone

Sco quai ch'ils sindicats communitgeschan, èn tant els sco er ils patruns cuntents cun la cunvegna - omaduas varts hajan stuì far cumpromis.

Quella cunvegna cuntegna vinanvant la paja minimala dals emploiads. Danov pon ils patruns però introducir l'emna da lavur cun 42 uras (enstagl da 40 uras). Cundiziun per quai è che la direcziun e la cumissiun da persunal consentian.

Il contract collectiv da lavur vala almain 3 onns.

RR novitads 15:00