Siglir tar il cuntegn
cuntegn

Svizra Consum privat – dapli autos novs e dapli pernottaziuns

L’indicatur dal consum da la banca UBS mussa ch’il consum privat dals Svizzers e las Svizras è creschì levamain il mais matg.

Chomas d'inum cun tastgas da cumpra.
Legenda: Ils Svizzers e las Svizras cumpran dapli. Keystone

Las Svizras ed ils Svizzers han consumà in zic dapli il mais da matg. Cumpareglià cun l'avrigl è l'indicatur da consum da la banca UBS creschì per 0,5 sin 1,39 puncts. Cumpareglià cun la media dals ultims onns è quai ina leva reducziun, quai che na veglia betg dir ch’il consum saja pli flaivel, decleran ils experts. Il mais matg hajan ils Svizzers per exempel cumprà 8% dapli autos novs ch’in onn avant. Ed era las pernottaziuns d’indigens en Svizra saja creschida per 10%.

En il decurs da l'onn dastgass il consum profitar da la dischoccupaziun che va enavos. Ils pretschs pli auts pudessan percunter franar quel. Cun 50% è il consum privat per lunsch la pli impurtanta cumponenta dal product naziunal brut en Svizra.

RR novitads 10:00