Totalmain hajan ils detaglists vendì charn en valur da radund 4,6 milliardas francs. Era quest dumber è 0,7% pli pitschen che l'onn avant. Be pulaster e liongias èn stà pli giavischà l'onn 2017, quai tenor la svieuta.
Cunzunt la svieuta da charn-portg e da charn-vadè saja ida enavos. Tar la charn-portg saja la svieuta ida enavos pervia da pretschs pli bas da cotlettas, filets, steaks e charn stagliada, uschia l'Uffizi federal d'agricultura. La svieuta da charn-vadè saja dentant ida enavos, perquai ch'ins haja vendì sco era producì pli pauc.
20,95 francs per kilo charn
En media ha in kilo charn custà l'onn 2017 tuttina bler sco l'onn 2016. Charn frestga è vegnida levamain pli bunmartgada. Il pretsch da charn elavurada è dentant creschida in zic.
RR novitads 10:00