Siglir tar il cuntegn

Svizra Consum d’alcohol en Svizra sa reducescha vinavant

Il 2014 ha mintga Svizra e mintga Svizzer consumà en media 8,1 liters alcohol pur.

Butteglias da vin cotschen.
Legenda: En Svizra vegn bavì adina damain vin, e cunzunt il vin cotschen è pertutgà. RTR, P. Bigliel

L'onn avant eran quai anc 8,3 liters, sco l'Administraziun federala d'alcohol communitgescha. La raschun principala per la reducziun saja il consum da vin che va enavos. En media han ils Svizzers numnadamain consumà 1liter vin damain ch'il 2013.

La statistica sa basa sin cifras da la vendita d'alcohol e da l'entira populaziun. I sa tracta uschia sulettamain dad in dumber en media. Davart il consum effectiv da las differentas gruppas socialas di la statistica però nagut.

RR Novitads 10:00