Siglir tar il cuntegn
cuntegn

Svizra Consternaziun ad Erstfeld – Uri ha da spetgar vinavant

Fertant ch'ils ins fan festa – Vallais cun Viola Amherd (cuss. fed. PCD) e Son Gagl cun Karin Keller-Sutter (cuss. fed. PLD) – n'èsi per ils auters betg in di d'allegria. Ina visita al di d'elecziun tar ils vischins grischuns, en il chantun Uri.

La speranza che Heidi Z'graggen turnia da Berna sco cussegliera federala era gronda – dentant invana. Il chantun Uri ha vinavant da spetgar sin sia u ses emprim cusseglier federal.

Ad Erstfeld regia consternaziun

Malgrà tut la speranza eran ils dad Uri gia avant las elecziuns en l’Assamblea federala er realistics che lur candidata Heidi Z’graggen saja sulet ina outsidera. Ma tuttina spetgavan ils preschents cun tensiun sin in'elecziun cun tensiun.

Che Viola Amherd è alura vegnida elegida gia en l’emprim scrutini n’ha nagin sminà en la sala da la plaiv ad Erstfeld e la consternaziun era gronda e da sentir.

Z’graggen memia pauc enconuschenta

Las emprimas analisas dals preschents mussan lura er, che Heidi Z'graggen era bain per ils blers en sala la favurita – ma ils blers eran er conscients ch’ella na saja betg propi enconuschenta sin livel naziunal ed en il parlament. Quai era in cler dischavantatg envers Viola Amherd.

Tuttina èn ils dad Uri anc restads en sala ed il café cun latg ni groma ha midà cun in café cun vinars.

RR actualitad 17:20