Siglir tar il cuntegn

Header

cuntegn

Congedi d'adopziun Omaduas chombras han approvà il congedi

Er persunas ch’adopteschan in uffant duain survegnir in congedi pajà da duas emnas. Suenter il Cussegl naziunal ha er il Cussegl dals chantuns approvà ina moziun correspundenta.

Il congedi survegn ina persuna da la famiglia e quai sut la cundiziun che l'uffant è pli giuven che quatter onns. Las duas emnas a disposiziun pon era vegnir retratgas en singuls dis durant l'emprim onn d'adopziun da l'uffant.

En il parlament è il project stà per gronda part incontestà. In'emprova da la sanestra da prolungar il congedi sin 14 emnas, analog al congedi da maternitad, n'ha betg survegnì sustegn da la maioritad. Differents chantuns enconuschan gia in tal congedi. Quai èn per exempel Turitg, Son Gagl u Friburg. L'idea per ina soluziun naziunala era vegnida lantschada il 2013.

audio
Per tadlar curt e cumpact
00:57 min, RTR Audio dals 14.09.2021.
laschar ir. Durada: 00:57 minutas.

RTR novitads 12:00

Artitgels legids il pli savens

Scrollar a sanestra Scrollar a dretga