Las smanatschas da la Russia cun armas atomaras hajan mussà ch'i dovria mesiras concretas per franar quests ristgs, ha ditg il president da la Confederaziun. Ensemen cun radund 30 auters pajais haja la Svizra elavurà in pachet da mesiras per reducir il privel d'ina guerra atomara e da far il mund pli resistent en temps da crisa.
Uschia duai per exempel dar chanals da communicaziun da crisa, sco «hotlines», per evitar escalaziuns senza vulair, hai num en ina communicaziun dal Departament federal d'affars exteriurs EDA.
La Conferenza a Washington duai plinavant controllar il scumond da la furniziun dad armas atomaras. Quest contract è vegnì decidì avant passa 50 onns. Quai tranter auter cun la finamira dal discharmament atomar en il mund.