Siglir tar il cuntegn

Header

cuntegn

Svizra Confederaziun vul tuttina stritgar plazzas

Il minister da finanzas Ueli Maurer n’excluda betg che plazzas vegnan stritgadas tar il persunal da la Confederaziun. Il december aveva el anc ditg ch’il program da spargn possia vegnir realisà senza relaschar glieud. Per il mument n’èsi betg anc cler quantas plazzas che pudessan esser pertutgadas.

audio
Mezdi: Tar la Confederaziun datti relaschadas
ord Actualitad dals 12.01.2017.
laschar ir. Durada: 1 minuta 23 Secundas.

Il Cussegl federal sto l’emprim decider nua ch’el vul spargnar. Maurer na quinta dentant betg cun in’unda da relaschada. Il minister da finanzas è s’entupà quest’emna cun ils schefs da ses uffizis federals per guardar co e nua els pon spargnar ils 50 milliuns francs tar il persunal.

«Jau na quint betg cun relaschadas da massa»

El na possia anc betg giuditgar la situaziun en ils auter departaments, ha ditg Maurer. En ses departament pudessi il squitsch da spargn dentant manar a relaschadas. El na quinta dentant betg cun ina unda da relaschadas, uschia ha ditg il minister da finanzas. Sch'ins veglia dentant spargnar a lunga vista e tuttina pajair levs augments da paja, lura na giaja quai betg cun il medem dumber da persunal.

Era il parlament federal sto spargnar. Quest onn han las gruppaziuns politicas 10 milliuns francs damain a disposiziun.

RR novitads 08:00

Artitgels legids il pli savens