Siglir tar il cuntegn
cuntegn

Svizra Confederaziun vul spargnar anc dapli

Ils onns 2018 e 2019 duai, sper il program da stablilisaziun, vegnir spargnà anc radund 3 milliardas francs, ha ditg il minister da finanzas, Ueli Maurer, en in'intervista cun la gasetta Nordwestschweiz.

Ueli Maurer che dumbra cun ils dets
Legenda: Il minister da finanzas, Ueli Maurer, vul spargnar ulteriuras 3 milliardas francs fin il 2019. Keystone

Il mars aveva la Confederaziun annunzià da vulair spargnar cun il program da stabilisaziun fin il 2019 2,8 milliardas francs. Il motiv è che senza ina reducziun dals custs ubain in auzament d’entradas na possia la Confederaziun betg sa tegnair vid il frain da debits.

Spargnar vul la Confederaziun en plirs departaments. Il persunal da la Confederaziun saja però sulet marginalmain pertutgà, ha ditg Maurer.

RR novitads 06:00