Siglir tar il cuntegn

Header

cuntegn

Svizra Confederaziun vul definir ina rait da velo

La Confederaziun duai s’engaschar pli intensiv per vias da velo, quai vul il Cussegl federal. El refusa l’iniziativa da velo, vul dentant integrar il giavisch fundamental da l'iniziativa en ina cuntraproposta directa.

Cun in'amplificaziun en la constituziun duajan las vias da velo vegnir sin la medema basa sco vias da viandar e da peduns. Uschia duai la Confederaziun avair la cumpetenza da definir ina rait da velo e da sustegnair ella finanzialmain, scriva il Cussegl federal.

Il traffic da velo possia gidar da reducir stretgas en il traffic, e da sbassar il consum da CO2 e da l'energia. Vitiers saja el da muntada per il turissem e promovia la sanadad, scriva il Cussegl federal.

RR novitads 12:00

Artitgels legids il pli savens