Siglir tar il cuntegn

Header

Navigaziun

In aviun sin il fund dal tschiel blau.
Legenda: Actualmain è il Cussegl federal londervi d'orientar da nov sia politica aviatica. Keystone
cuntegn

Svizra Confederaziun vul dapli influenza sin eroports

La Confederaziun vul augmentar sia influenza visavi als chantuns davart lavurs da construcziun e manaschi dals eroports a Turitg ed a Genevra.

Ils eroports sajan facturs centrals per l'attractivitad da la Svizra, ha ditg la Cussegliera federala Doris Leuthard durant ina dieta davart l'aviatica. Il privel saja dentant, ch'els perdian impurtanza en vista a la concurrenza adina pli ferma da l'Orient Central.

Cuntanschì las limitas da la capacitad

Il traffic aviatic a Turitg ed a Genevra cuntanschia las limitas da la capacitad. Analog a vias e binaris stoppia l’infrastructura vegnir sviluppada vinavant era qua. Il corset d’obligaziuns davart l’ambient ed ils temps da manaschi na dastgian betg vegnir limitads dapli, uschia la Cussegliera federala.

Construcziun da novas pistas è illusorica

Perencunter saja la construcziun da novas pistas probablamain illusorica, uschia Leuthard plinavant. Dentant saja quai pussaivel d’optimar ils process per dumagnar la mobilitad augmentada.

RR novitads 06:00