Siglir tar il cuntegn

Header

Navigaziun

Minister d’economia Johann Schneider-Ammann.
Legenda: Johann Schneider-Ammann: 'Nus stuain esser pli innovativs'. Keystone
cuntegn

Svizra Confederaziun tema schoc dal franc retardà

Il schoc dal ferm franc svizzer n’è anc betg digerì dal tut. Quai di il minister d’economia Johann Schneider-Ammann. Era el sez era surprais quella giada da la decisiun da la Banca naziunala svizra.

Cunzunt las marschas e las pussaivladads da far investiziuns d’interpresas pitschnas e mesaunas sajan sa reducidas pervi dal ferm franc. Quai ha ditg il minister d’economia Johann Schneider-Ammann envers la gasetta NZZ.

Sche l’euro nodia vinavant tar radund 1 franc e 07 pudessan interpresas dischlocar lur fatschentas en l’exteriur. Bleras interpresas fetschian tals patratgs – uschia Schneider-Ammann.

I saja bun pussaivel che l’economia svizra pateschia dad in schoc dal franc che vegnia cun retard. Sch’i giess tenor la veglia da la regenza svizra, stuess il franc anc vegnir pli flaivel.

RR actualitad 08:00