Tenor retschertgas da radio SRF scolescha la firma pertutgada schuldads en in stadi da l'exteriur. En pli vuleva ella sustegnair logisticamain las forzas da segirezza pertutgadas. Il departament federal per affars da l'exteriur ha avant paucas emnas scumandà quest engaschament.
Fulvio Massard ha confermà envers il radio SRF la premiera. Tar las tschintg examinaziuns fin ussa haja il departament per affars exteriurs decretà en in cas in scumond. Da tge firma ch'i sa tracta ed en tge stadi ch'ella è activa na tradescha il departament betg. El na communitgescha er betg ils motivs per il scumond.
La lescha davart engaschaments a l'exteriur prevesa scumonds sche la neutralitad da la Svizra u ils dretgs umans èn en privel.
RR novitads 11:00