Siglir tar il cuntegn
Inhalt

Svizra Confederaziun reducescha custs per tgira d'uffants

A partir dal fanadur vul la Confederaziun reducir ils custs per la tgira d’uffants.

Tgira d'uffants.
Legenda: La finamira è da pudair dumagnar meglier la famiglia e la professiun. Keystone

100 milliuns francs metta la Confederaziun a disposiziun per subvenziunar la tgira d'uffants. Durant il program da tschintg onns po la Confederaziun uschia sustegnair ils chantuns e las vischnancas. Pli fitg ch'ils chantuns e las vischnancas augmentan lur subvenziuns e dapli daners da la Confederaziun ch'els survegnan. La basa giuridica va en vigur il prim da fanadur.

La finamira è ch'ils custs per famiglias per la tgira d'uffants vegnian sbassads. Ils daners pon ir directamain a famiglias, a canortas u ad auters sustegn da tgira per famiglias.

RR novitads 12:00