Siglir tar il cuntegn

Header

cuntegn

Svizra Confederaziun ha sustegnì 57'000 plazs da tgira d'uffants

Passa 57'000 plazs per la tgira d'uffants han ins stgaffì ils davos 15 onns en Svizra – cun sustegn da la Confederaziun. Ma il basegn per novas plazzas resta vinavant grond.

Il program d’impuls da la Confederaziun è vegnì creà il 2003 perquai ch’i deva in grond basegn per plazs da tgira d’uffants. Ils davos 15 onns hai dà 33’100 novs plaz en canortas d’uffants e dapli che 24'000 plazs en la tgira cumplementara da scola, scriva l'uffizi federal da las segiradas socialas.

Il program d’impuls è gia vegnì prolungà duas giadas pervia da la gronda dumonda, ed era il credit actual na tanscha betg per tut las dumondas pendentas. L'uffizi ha perquai ina glista da prioritads che duai garantir ch’ils daners vegnan repartids a moda equilibrada. La schanza ch’il program vegn ina ulteriura giada prolungà per quatter onns è gronda.

RR novitads 17:00

Artitgels legids il pli savens