A l'organisaziun Women's Affairs Technical Commitee vegn renfatschà ch'ella sa distanzieschia memia pauc dal terrorissem. Sper la Svizra hajan era ils pajais Svezia, Danemarc e Pajais Bass franà lur pajaments. L'organisaziun WATC haja numnà in center da giuventetgna tenor ina terrorista palestinaisa e na saja betg sa distanziada da quest num.
Ils pajaments a la WATC èn idas a moda indirecta sur Human Rights and International Humanitarian Law Secretariat, cun sedia a Ramallah. Lur finamira è da promover il diever dals dretgs umans ed il dretg internaziunal public en las parts palestinaisas occupadas da l'Israel.
Tenor cunvegna ston organisaziuns sustegnidas dal secretariat desister da tuttas furmas pussaivlas da violenza u odi, scriva il Departament federal d'affars exteriurs. Il secuntegnair dal WATC na saja betg cumpativel cun ils principis da la fundaziun dal secretariat. Perquai saja la Svizra sa decidida da desdir il contract cun WATC. L'ultima transcha da 36'000 francs na vegnia uschia betg pli pajada.