Siglir tar il cuntegn
Inhalt

Svizra Concurrenza sin il binari: BLS attatga il monopol da la SBB

La viafier Bern-Lötschberg-Simplon BLS attatga sco spetgà il monopol da las Viafiers federalas svizras SBB. La BLS vul surprender trais lingias da viafier dal traffic a distanza. Quai ha ella annunzià la mesemna tar sia conferenza da medias da bilantscha.

Dus trens in sper l'auter.
Legenda: La viafier BLS attatga il monopol da la SBB. Keystone

La BLS vuless charrar da Brig ed Interlaken sur Aarau a la plazza aviatica Turitg sco er dad Interlaken a Basilea. Actualmain ha la SBB il monopol sin las lingias dal traffic a gronda distanza.

Tenor Rudolf Stämpfli, il president dal cussegl administrativ da la BLS, na vesia la BLS la SBB dentant betg sco concurrenta, ma sco partenaria:

Nus vivain ensemen bain.
Autur: Rudolf Stämpflipresident dal cussegl administrativ BLS

Che la BLS s'interessescha per singulas lingias ha ella gia dà dad encleger pli baud. Las trais lingias ch’ella ha en mira èn lingias che fan gudogna. La BLS spera, che da manar quellas las gidass da pajar sias lingias deficitaras en sia rait regiunala.

Las lingias da gronda distanza vegnan reorganisadas la fin da l'onn

Il mument ha la SBB il monopol sin las lingias da gronda distanza. Las duas viafiers privatas BLS ed SOB vulan dentant manar sez tschertas lingias. La fin da quest onn vegnan las concessiuns per il traffic sin binaris puspè repartidas da nov. Ils discurs cun la SBB han dentant fatg naufragi.

RR novitads 11:00