Per las fatschentas da sport n'avess l'enviern betg pudì cumenzar meglier. Gia il november e december saja la naiv crudada fin giu en la bassa ed er restada. E quai saja impurtant, pertge la finala tiria la naiv la glieud en las butias e betg las activitads da marketing.
La branscha saja cuntenta cun las fatschentas, quai ha confermà Peter Schwager da l'associaziun dals commerziants da sport envers SRF. Singulas fatschentas grondas annunzian gia in plus da 10 fin 30 pertschient.
Dus trends
Atgnamain marscha la vendita da tut ils artitgels da sport d'enviern meglier che avant in onn. Ma i dat era dus trends: La glieud cumpra quest onn dapli scarsolas u bobs e rauba da passlung. Sco gia ils davos onns datti era adina dapli glieud che prenda a tschains skis - enstagl da cumprar els.
RR novitads 10:00