Commerzi en detagl cun damain svieuta l'onn 2015

Visavi il 2014 è la svieuta sa reducida per 0.4%. La raschun principala è che dapli Svizzers e Svizras en stads en l'exteriur a cumprar en.

Glieud che porta tastgas da cumpra.

Legenda da maletgs: Malgrà tastgas plainas avant Nadal - l'onn 2015 ha il commerzi en detagl fatg pli pauc svieuta che l'onn 2014. Keystone

Suenter l'aboliziun dal curs minimal da l'Euro èn dapli Svizzers e Svizras ids a cumprar en sur ils cunfins. Plinavant demussa il studi da la Credit Suisse che la luna dals consuments è vegnida mendra il 2015. Quai tranter auter pervì da la crisa en la Grezia ed er pervì da pliras novitads davart reducziuns da plazzas en Svizra.

Per l'onn 2016 quinta la Credit Suisse cun 0.3% dapli svieuta per il commerzi en detagl. Quai malgrà ch'il curs da l'euro vegnia a restar enturn 1 franc e 10. Sco raschuns numna la Credit Suisse che las pajas vegnian ad esser in zic pli autas e che la immigraziun vegnia a sa reducir be levamain. Uschia han pli blera glieud, dapli daners per dar or.

RR novitads 12:00