Schneider è vegnì undrà sco persuna da tribuna extraordinaria, ma er sco carstgaun sensibel, perdert ed amabel. Jörg Schneider era surtut er vegnì enconuschent sco actur da las paraulas da Chasperli.
Manà tras la celebraziun ha il teolog e scrivent Ulrich Knellwolf. Il curs da vita ch'il schef da cultura da la gasetta NZZ, Manfred Papst, ha scrit, ha prelegì l'actur da film Daniel Rohr. Era la presidenta da la citad Corine Mauch ha tegnì in curt pled. Per la rama musicala ha procurà la sopranista Elena Mouc, la moderatura da televisiun Sandra Studer ed il chor Zürcher Sängerknaben.
L'actur apprezià e popular è mort ils 22 d'avust cun 80 onns en consequenza da cancer.
RR novitads 17:00