La cruschera svizra MS Edelweiss è collidada sin il flum Waal en il Pajais Bass cun ina nav da vitigira. Las forzas d'intervenziun hajan evacuà radund 2000 persunas gì da la nav. Las persunas sajan dentant mitschadas cun la tema, blessads n'haja numnadamain dà nagins.
A bord da la cruschera svizra eran tenor rapports da medias 160 passagiers ed 80 persunas da l'equipa. La cruschera era sin viadi a Rotterdam. Tenor rapports dal radio ollandais era la cruschera collidada la damaun da las 4 cun la nav da vitgira. In fieu sin la nav hajan ins spert pudì stizzar. Plinavantsaja era ina punt da viafier vegnida donnegiada tar la collisiun. Davart ils donns exacts na datti dentant anc naginas indicaziuns.
RR novitads 11:00