Siglir tar il cuntegn

Svizra Colliaziun directa Berna – Cuira a partir dal december 2020

En trais onns n'èsi betg pli da midar tren sch'ins va da Cuira e Berna. Las Viafiers federalas èn sa cunvegnidas cun la Viafier da la Svizra sid-orientala SOB da collavurar strategicamain a lunga vista.

In tren da la SBB che vegn en la staziun da Cuira.
Legenda: A partir dal december 2020 datti ina colliaziun directa Cuira – Berna. Keystone

Ils passagiers da tren pon plinavant profitar d'ina colliaziun directa per la lingia da panorama dal Gottard, quai davent da Basilea respectivamain davent da Turitg.

Sin las duas lingias Berna – Cuira e Turitg – Gottard – Lugano vegn la SOB a charrar cun agens trens, en atgna responsabladad economica ma en incumbensa da la SBB. Quella paja a la SOB per questas lingias.

Sco las duas interpresas communitgeschan, pon lur trens vegnir duvrads pli effizient ed er occupads meglier cun questa collavuraziun. Midadas da collavuraturs d'ina interpresa a l'autra èn pussaivlas, tuts pon dentant salvar la plazza.

RR novitads 11:00