Siglir tar il cuntegn

Header

cuntegn

Svizra Collavuraziun tar criminalitad da cyber

La criminalitad economica ed il cumbat cunter il terrorissem èn stads en il center da las fatschentas da la procura publica federala. Uschia scriva ella en il rapport per l’onn 2017 ch’è vegnì preschentà il venderdi. Però oravant tut la criminalitad da cyber ha preoccupà e preoccupescha.

I duess vegnì collavurà internaziunal cunquai che la criminalitad da cyber saja ina sfida globala, di il procuratur public Michael Lauber. Però era sin livel naziunal stoppia vegnir collavurà meglier. Michael Lauber vul ina collavuraziun tranter chantuns e confederaziun cun l'uschenumnà cyberboard. Ils process duain vegnir adattads uschè ch'i po vegnir reagì pli svelt.

Procura publica e polizia duain seser vid la medema maisa, uschia spargnassan ins process ed ins pudess er reagir pli svelt.
Autur: Michael Lauber Procuratur public

La criminalitad da cyber è ils ultims onns adina stada ina tematica che ha preoccupà la procura publica federala. L'onn passà ha la procura publica perfin engrondì il team dals procuraturs publics per criminalitad da cyber.

audio
Mezdi: Rapport 2017 da la procura publica
ord Actualitad dals 20.04.2018.
laschar ir. Durada: 2 minutas 21 Secundas.

Il problem per cumbatter na saja betg las leschas di il procuratur public, quellas sajan avant maun. Però ils process duai vegnir adattads, la vart organisatorica, e quai cun la collavuraziun.

Igl è da studegiar da nov il federalissem en quest connex.. La criminalitad da cyber va sur cunfins.
Autur: Michael Lauber Procuratur public

La svizra saja buna en duvrar il dretg existent, dentant en la criminalitad da cyber saja era da far in pass en la direcziun prevenziun, menziunescha Michael Lauber vinavant.

Artitgels legids il pli savens