Siglir tar il cuntegn
Inhalt

Svizra CO2 d'autos novs anc adina memia aut

Las emissiuns da CO2 dals autos novs en Svizra èn sa reducidas l'onn passà, dentant betg uschè fitg sco pretendì.

Svapurs d'in auto.
Legenda: La prescripziun da l'emissiun da CO2 vala en Svizra dapi il fanadur 2012 per autos da persunas. Keystone

En Svizra ha l'onn passà in auto nov immatriculà duvrà 5,9 liters benzin sin 100 kilometers. Quai è in pertschient damain che l'onn 2015. Era las emissiuns da CO2 èn sa reducidas, dentant betg tant sco pretendì.

2,4 milliuns francs multas

Sco quai che l'uffizi federal d'energia communitgescha ha in auto nov en media in'emissiun da CO2 da 134 grams per kilometer. Ils importaders d'autos en Svizra èn stads obligads da sbassar questas emissiuns fin la fin dal 2015 sin 130 grams per kilometer, uschiglio datti ina multa. L'onn passà hai dà uschia 2,4 milliuns francs ord questas multas.

Damain autos immatriculads

Il davos onn èn 320'00 autos da persunas vegnids immatriculads. Quai èn 2,9 pertschient damain che l'onn avant. Mintga quart auto era in auto da diesel. La cumpart dals autos per part u totalmain electrics stagnescha tar dus pertschient.

RR novitads 12:00