Siglir tar il cuntegn

Header

cuntegn

Svizra Co funcziuna l’agid d'urgenza?

La chadaina da fortuna ha rimnà en Svizra 11 milliuns francs donaziuns per las unfrendas dal terratrembel en il Nepal. Bun 15 % da quellas donaziuns van direct en l’agid d'urgenza, l’emprim agid al lieu.

Tar quest agid d’urgenza s'auda il provediment da nutriment, aua da baiver, albiert e medicaments. Per evitar birocrazia e per pudair agir uschè spert sco pussaivel pon las organisaziuns d'agid dar or ils daners gia avant che la chadaina da fortuna ha rimnà els. È la situaziun ina giada sa calmada, vegnan 80 % da lur custs totals indemnisads entras la chadaina da fortuna.

Organisar rauba uschè spert sco pussaivel

audio
Saira: Chadaina da fortuna – Co funcziuna agid d’urgenza?
ord Actualitad dals 06.05.2015.
laschar ir. Durada: 2 minutas 31 Secundas.

Danunder che la rauba d'agid derivia saja en in cas sco en il Nepal betg uschè impurtant, di la pledadra da medias da la chadaina da fortuna Daniela Toupane. Il pli impurtant saja numnadamain da pudair organisar la rauba uschè spert sco pussaivel, saja quai cun eroplan u cun agid da cars sur l'India. I ha dentant era organisaziuns d'agid en il Nepal cun depots en il lieu che pon reparter pachets d'agid d'urgenza immediat. Suenter questa emprima fasa d'agid d'urgenza cumenza la fasa da reconstrucziun.

Artitgels legids il pli savens