Siglir tar il cuntegn
cuntegn

Svizra Clinicas psichiatricas duain avair tariffas unifitgadas

Sin TARMED suonda TARPSY - Suenter ils medis duain era ils psichiaters calcular unifitgà tenor prestaziuns.

mussavia tar la clinica psichiatrica
Legenda: Sin TARMED suonda TARPSY – Ussan introducescha il Cussegl federal tariffas unifitgadas era per clinicas psichiatricas. Keystone

Las clinicas psichiatricas duain en l'avegnir era quintar cun tariffas unifitgadas. Tenor la decisiun dal Cussegl federal èsi previs da differenziar tenor malsogna, pazient ed in uschènumnà pretsch da basa.

22 gruppas per differenziar pli fitg

Il pretsch da basa n'è betg fixà e vegn contrahà tranter las differentas clinicas psichiatricas e las assicuranzas. Sper quest pretsch da basa datti lura las prestaziuns ch'èn en 22 gruppas da custs – categorisadas tenor malsogna e pazient:

  • diagnosa principala,
  • vegliadetgna,
  • grevezza da la malsogna
  • e diagnosa laterala.

Introducziun «loma» aifer 2 onns

A partir dal schaner che vegn, cura ch'il sistem TARPSY va en vigur, èsi era previs in sistem da monitoring – pia in sistem da controlla e d'accumpagnament. Sin basa da quel èn era eventualas correcturas necessarias previsas. Questas duain gidar ad introducir il sistem senza custs supplementars aifer ils proxims 2 onns.

RR novitads 12:00