La clinica psichiatrica da l’universitad da Basilea ha sur decennis fatg tests cun medicaments betg lubids tar umans. Quai mussa in studi ch’è avant maun a l’emissiun «Schweiz aktuell» da televisiun SRF.
Tenor il studi da l’universitad Berna èn vegnids testads medicaments betg lubids tar passa 1000 pazients tranter ils onns 1953 e 1980. Pertutgads sajan er stads persunas che sajan vegnidas ospitalisadas cunter lur voluntad.
Collavuraziun cun industria farmazeutica
Concerns da farmazia hajan savens mess a disposiziun gratuitamain ils medicaments. Testads sajan er vegnids medicaments che na sajan mai vegnids admess pervi da lur effects nungiavischads.
Giuridicamain sa tracti qua probabel d’ina zona grischa. Fin l’onn 1970 n’haja numnadamain dà naginas reglas per tests da medicaments.
RR novitads 22:00