Clients da la banca britannica HSBC en Svizra duain avair defraudà daners, gidà da finanziar il terror e fatg fatschentas cun drogas ed armas. Quai resulta d’ina retschertga d’in consorzi internaziunal da schurnalists.
La banca britannica HSBC ha confermà ch'i haja dà sbagls en il passà quai che pertutgia la surveglianza da la filiala svizra. La banca e cunzunt era la filiala en Svizra saja dentant vegnida renovada a moda radicala ils onns passads. Tar la HSBC Svizra sajan dus terzs dals contos vegnids serrads.
