Siglir tar il cuntegn

Svizra Clera disditga per e-voting

Il Cussegl federal ha abolì la dumonda da plirs chantuns da pussibilitar a Svizzers en l’exteriur da votar a las proximas elecziuns naziunalas l’october via internet cun e-voting.

Documents da votaziun sin la tastatura d'in computer.
Legenda: La maioritad dals chantuns n'è betg dal maini dal Cussegl federal quai che pertutga las resalvas. Keystone

Tranter quels chantuns sa chatta era il chantun Grischun, communitgescha la Chanzlia chantunala. Il motiv principal saja la segirtad dal sistem che dettia da discutar. Quai malgrà il motto “segirtad avant tempo”.

Naufragi pervi da la segirtad

La decisiun è da deplorar, scriva la Chanzlia chantunala. Ina lunga fasa da test giaja uschia a fin. Gia tar las elecziuns naziunalas han Grischuns en l’exteriur pudì votar cun e-voting ed il sistem saja vegni megliurà onn per onn.

Ils chantuns pertutgads vegnian a discutar la nova situaziun da partenza e fixar in nov proceder.