Siglir tar il cuntegn
cuntegn

Svizra Clavads e stallas senza diever restan vidas

Clavads e stallas ch'èn ord funcziun na pon betg vegnir fabritgads enturn en abitaziuns, uschia ha decis il parlament federal. Il Cussegl dals chantuns ha refusà senza debatta la moziun, adattada dal Cussegl naziunal. L'affar e cun quai per il mument giu da maisa.

Ina stalla vida sin in prau.
Legenda: Il mument anc nagin auter diever per clavads e stallas che stattan vids. Keystone

L’idea sco tala è atgnamain bainvisa en omaduas chombras. La moziun vuleva pussibilitar als chantuns da fabritgar enturn stallas ni clavads, ch' èn situads ordaifer la zona da fabrica e che na vegnan betg pli duvrads. Il plan directiv dals chantuns vess però stuì vegnir resguardà.

Però cul na a la moziun dal parlament n' è la tematica anc betg giu da maisa. Previs è ch' il Cussegl federal preschenta quest atun ina proposta per la revisiun da la lescha da la planisaziun dal territori. En quella duai era la problematica da stallas e clavads che na vegnan betg pli duvrads avair plazza.

RR novitads 16:00