Siglir tar il cuntegn
cuntegn

Svizra Clariant fusiunescha cun Huntsman Corporation

Il spezialist da chemia svizzer Clariant fusiunescha cun il concern da chemia american Huntsman Corporation. Uschia nascha in gigant en la sparta da la chemia speziala cun ina svieuta da radund 13,2 milliardas dollars americans.

Clariant fusiunescha cun Huntsmann e survegn il num HuntsmanClariant.
Legenda: Clariant fusiunescha cun Huntsmann e survegn il num HuntsmanClariant. Keystone

L’interpresa nova survegn il num HuntsmanClariant ed ella duai avair sia sedia principala en Svizra, communitgescha l’interpresa Clariant. L’interpresa nova duai alura avair in gudogn da 2,3 milliardas dollars.

Dapli innovaziun e svilup

Las duas interpresas quintan cun la fusiun da pudair crescher pli fitg ed era cun dapli innovaziun. La fatschenta duai esser sut tetg la fin da quest onn, sche tut las instanzas approveschan la fusiun. L’interpresa basilaisa Clariant era gia in temp sut squitsch da chattar in partenari per pudair sminuir ils custs e pudair crescher.

RR novitads 07:30