Siglir tar il cuntegn

Svizra Clariant cun dapli gudogn e svieuta

La svieuta dal concern da chemia speziala è s'augmentada per 9% sin 6,4 milliardas francs. Il gudogn net è creschì per 15% sin 302 milliuns francs, quai communitgescha Clariant. La dividenda duai vegnir augmentada per 11% sin 50 raps per aczia.

Purtret dal logo da Clariant.
Legenda: Clariant ha fatg gudogn ed er augmentà la svieuta. Keystone

Il gudogn da manaschi avant taglia è sa sminuì levamain per 3% sin 496 milliuns francs. La raschun per la sminuziun sajan effects singuls. Clariant aveva vulì fusiuna l'onn passà cun il concurrent american, Huntsman. Pervi dal squitsch dals acziunaris è quai dentant betg gartegià.

Senza quests effects avess la fatschenta gudagnà operativ 8% dapli. Cun questas cifras ha Clariant surpassà las spetgas dals experts. Ils analists avevan spetgà en media ina svieuta da 6,3 milliardas francs. Da quest success duain uss er ils acziunaris profitar. La dividenda vegn augmentada per 11% sin 50 raps per aczia.

RR novitads 10:00