Civis pon prestar servetsch en scolas

Persunas che fan servetsch civil pon en l'avegnir prestar pli savens lur servetsch er en scolas e scolinas. L’emprim era quai stà dispitaivel sche «civis» possian far servetsch en scola. Sco quai ch'il Cussegl federal communitgescha entra la midada da l'ordinaziun en vigur cun il prim da zercladur.

Da nov ston tut ils civis che vulan lavurar en ina scola visitar in curs d'introducziun d'in di.

Legenda da maletgs: Da nov ston tut ils civis che vulan lavurar en ina scola visitar in curs d'introducziun d'in di. Keystone

Igl è sta ina via cun lungas discussiuns. L’emprim era quai stà dispitaivel schebain «civis» possian far servetsch en scola. La finala han dentant tant il Cussegl naziunal sco er il Cussegl dals chantuns acceptà la midada d’ordinaziun.

Pensums durant l'instrucziun, però senza responsabladad

Cun la revisiun da l’ordinaziun pon persunas che fan servetsch civil uschia surpigliar differents pensums durant e suenter l'instrucziun - da la scolina fin il stgalim superiur.

La decisiun d’emploiar civis en scola è surlaschada als chantuns ed a las vischnancas. Plinavant na dastgan civis betg surpigliar la responsabladad per l’instrucziun. Els na remplazzan pia betg il persunal d’instrucziun en las scolas.

RR novitads 12:00

Principi da basa resta

Midà nagut han Cussegl federal e parlament vi dal principi da basa: Il servetsch civil dura er vinavant in e mez giadas uschè ditg sco il servetsch militar.

Acceptadas vegnan be persunas che na vulan betg prestar servetsch militar pervi da lur conscienza.