Siglir tar il cuntegn
Inhalt

Svizra Civis duai pudair gidar en scola

Persunas che prestan servetsch civil duain pudair vegnir engaschadas en las scolas. Quai ha decis il Cussegl dals chantuns. Il Cussegl naziunal però aveva refusà questa proposta dal Cussegl federal.

3 scolaras en ina stanza da scola
Legenda: Cunquai ch'i dat adina dapli persunas che fan servetsch civil dovri plazzas, en scola avessi talas. Keystone

Tenor la veglia dal Cussegl federal duain ils civilists surpigliar la funcziun d'assistent durant las uras da scola u durant in champ da classa. Sez manar ina classa na dastgian els dentant betg. Era ord ils chantuns hai dà signals positivs per questa proposta. La decisiun en il Cussegl dals chantuns è crudada unanimamain.

La fatschenta va uss enavos al Cussegl naziunal.

RR novitads 10:00