Siglir tar il cuntegn

Header

cuntegn

Svizra Cina: «Na» a No Billag, «gea» a refurmas tar SSR

«I na vegn a dar nagins tabus» citescha la gasetta vallesana Le Nouvelliste Jean-Michel Cina, il president da la SSR, en in’intervista pertutgant l’avegnir da la SSR. Quai rapporta l’agentura da novitads svizra SDA.

En l’intervista cun la gasetta vallesana s’exprima Jean-Michel Cina danovamain cunter l'iniziativa da No Billag. El ha confermà che la SSR stoppia vegnir refurmada. In dals gronds projects da l’avegnir da la SSR saja la transfurmaziun digitala.

Il president da la SSR renviescha dentant la renfatscha che la SSR occupia terren da las medias privatas cun multiplitgar sia purschida. En la transfurmaziun digitala na saja il numer da chanals betg in element central. La SSR n'haja dapi 10 onns betg pli stgaffì novs emetturs da televisiun u radio.

Als 4 da mars votescha la Svizra davart l’iniziativa No Billag. L’iniziativa vul abolir las taxas da radio e televisiun e scumandar a la Confederaziun da subvenziunar staziuns da radio e televisiun. La SSR vegn finanziada per radund 75% tras las taxas.

RR novitads 12:00

Artitgels legids il pli savens