Il Cussegl federal haja prendì enconuschientscha da la prognosa, communitgescha il Departament federal da finanzas. Tenor quel èn las entradas e las expensas la fin da l’onn mintgamai in mez pertschient sur il preventiv.
La Confederaziun profitescha da la SNB
La raschun principala per las entradas pli autas è il gudogn che la Banca naziunala svizra SNB paja ora. Budgetà era in pajament da 333 milliuns francs, la cumpart federal è ussa 243 milliuns pli auta.
Las prognosas dal Departament federal da finanzas sa basan sin las cifras da la fin zercladur. Il departament fa attent che las prognosas na sajan insumma anc betg segiras.
RR novitads 16:00