Duas da trais infecziuns capitan en sortida. Quai mussan cifras ch'il Uffizi federal da sanadad ha mess ensemen per SRF. Las datas ch'SRF ha survegnì, cumpiglian en tut 729 cas da Covid-19. Tut quellas infecziuns èn capitadas durant las ultimas duas emnas.
41% da tut las infecziuns capitian tenor quellas datas en il club ed en la disco. 26% da las infecziuns schabegian en la bar u en in restaurant.
Probabilitad d'ina infecziun
Dumber d'infecziuns | Pertschient | |
En il club u en la disco | 303 | 41.6 |
En ina bar u en in restaurant | 195 | 26.8 |
D'in commember da la famiglia | 90 | 12.4 |
Dal persunal medicinal | 57 | 7.8 |
Auter contact | 21 | 2.9 |
Tar ina fulla da glieud spontana | 17 | 2.3 |
Al lieu da lavur | 14 | 1.9 |
Tar ina festa privata | 14 | 1.9 |
Tar ina demonstraziun / occurrenza | 13 | 1.8 |
Nagina indicaziun | 4 | 0.5 |
En scola, en scoletta u en canorta | 1 | 0.1 |
Total | 729 | 100 |
Las opziuns d'ina infecziun cun cumprar en ed en il traffic public n'hai betg dà tar las datas.
Tar la mesadad da tut ils cas insumma na saja il lieu d'infecziun dentant betg cler.