Plinavant ha l’Orascom Development Holding (ODH) da l’investider Samih Sawiris, communitgà che la svieuta saja sa reducida per 33,5% sin 109,4 milliuns francs. Quai cumpareglià cun l’emprima mesadad dal 2015 nua ch'il concern aveva fatg in gudogn da 2,9 milliuns francs.
Dals tschintg segments han be dus fatg dapli svieuta. L’uschenumnà «Destination-Management» (7,4 milliuns francs) ed il segment «autras activitads» (16,7 milliuns francs). Ils segments da hotels (48,6 milliuns francs), immobiglias (32,1 milliuns francs) e funs (4,6 milliuns francs) han pers massivamain.
Motivs e soluziuns
Ils motivs per questa perdita sajan tranter auter la reducziun da vendita da funs e pli bassas entradas en ils hotels egipzians. Quels pateschan da las restricziuns d’entrada en il pajais per ils turists russ. Vitiers vegnia la situaziun tendida al martgà da devisas. Quai ha il concern communitgà il glindesdi.
Sawiris restructurescha actualmain l'entir concern. Quai cun la finamira da vegnir pli effizient, d’avair pli curtas vias da decisiun e da survegnir dapli transparenza. Plinavant annunzia l’ODH ina cunvegnientscha cun sias bancas davart ina regulaziun dals debits.
RR novitads 09:00