Christoph Blocher vul para era sa retrair da vice-presidi

Betg mo il president da la PPS, Toni Brunner, mabain era il vice-president Christoph Blocher vul para sa retrair.

Christoph Blocher tar in pled

Legenda da maletgs: Tenor il SonntagsBlick vul era Christoph Blocher sa retrair da l'executiva da la partida sin l'avrigl che vegn. Keystone

El na sa mettia betg pli a disposiziun per ina reelecziun, ha ditg Chritoph Blocher ad in reporter dal Sonntagsblick. Tenor il rapport sa quinta Blocher da tutgar tar il fier veder.

En la Sonntagszeitung di Toni Brunner ch'el speria che Blocher restia en la direcziun da la partida. Era il cusseglier naziunal Albert Rösti, che la direcziun proponsa sco successur da Brunner en il presidi, aveva ditg ch'el speria che tranter auters era Christoph Blocher restia en la direcziun.

RR novitads 11:00