Il president da la Partida socialdemocratica svizra Christian Levrat ha massivamain crititgà il cusseglier federal Johann Schneider-Ammann. Il cusseglier federal observia passivamain sco l'industria svizra svaneschia - e guntgeschia da discutar mesiras statalas per sustegnair l'economia. Quai ha ditg Levrat en in'intervista cun la gasetta «Blick».
Era ha crititgà Levrat che Schneider-Ammann na fetschia nagut cunter la vendita dal concern Syngenta en la China. Perquai vul la PS pretender en la sessiun da primavaira ina debatta urgenta davart la reducziun da plazzas e la digren da l'industria sivzra, sco Levrat ha ditg.
RR novitads 10:00