Siglir tar il cuntegn
Inhalt

Svizra Chiasso: chasti per ina dunna zuppentada

Betg per l'emprima giada vegn fatg valair en il Tessin il scumond da zuppentar la fatscha. Per l'emprima giada vegn dentant ina dunna estra chastiada. Ella ha purtà en il spazi public in vel da fatscha. Il scumond da zuppentar la fatscha è en vigur en il Tessin dapi l'emprim da fanadur.

dessegn d'ina dunna che porta in vel da fatscha
Legenda: Fin ussa èn las dunnas cun vel da fatscha sulet vegnidas admonidas. Dapi l'avust datti multas. Keystone

La dunna dal Kuwait haja survegnì a Chiasso ina multa da 100 francs ha ditg il cumandant da la polizia communala envers il radio tessinais RSI. Ella purtava in uschènumnà niqab. La polizia saja vegnida fatg attenta da persunas sin la dunna.

Scumond naziunal da zuppentar la fatscha

Sin stgalim naziunal vegn il mument er rimnà suttascripziuns per l'iniziativa «Gea al scumond da zuppentar la fatscha». Ils iniziants dal «Egerkinger Komitee» enturn il cusseglier naziunal da Soloturn, Walter Wobmann (PPS), han temp enfin ils 15-09-2017 dda rimnar las 100'000 suttascripziuns necessarias.

RR novitads 06:00