Siglir tar il cuntegn

Header

cuntegn

Svizra Chemia e farma mantegnan il plus dals exports

L'industria svizra ha exportà dapli il schaner, quai dentant mo grazia a la branscha chemica-farmazeutica. Per passa 5% èn ils exports svizzers s'augmentads cumpareglià cun il schaner 2016. Senza la branscha farmazeutica fiss dentant resultà in minus da 5%.

Sco quai che l'Administraziun federala da duana communitgescha ha la pli gronda industria d'export svizra, la farma, danovamain fatg il pli grond augment, quai cun 17,1%. L'industria farmazeutica ha exportà medischinas e substanzas en ina valita da 9,2 milliardas francs.

Adina dapli vestgadira vegn returnada

Er laschà fastizs tant sin la vart dals exports sco er sin la vart dals imports ha la branscha da vestgadira, ils commerziants online sco per exempel Zalando. Il schaner è vegnì cumprà en l'exteriur textilias, vestgadira e chalzers en ina valita da 843 milliuns francs (+6,3% ch'il schaner 2016). Vitiers ha la martganzia returnada (resti che vegn tramess enavos) registrà in augment da 11,2% sin 305 milliuns francs. Las textilias èn la suletta branscha sper la farmazeutica e metals ch'è creschida.

L'industria d'uras svizra a exportà passa 11% damain il schaner. Quai è la svieuta la terz bassà dapi l'avust 2012.

RR novitads 10:00

Artitgels legids il pli savens